Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, հիմք ընդունելով Կադաստրի կոմիտեի 2024 թվականի ապրիլի 18-ի N Կ-18042024-07-0086 որոշումը, հաշվի առնելով Աբովյանի համայնքապետարանի աշխատակազմի քաղաքաշինության և հողաշինարարության բաժնի պետի զեկուցագիրը (մուտք՝ 2024 թվականի ապրիլի 19-ի N Ք-2903).
1. Աբովյան համայնքի ղեկավարի 2024 թվականի հունվարի 18-ի «Աբովյան համայնքի Աբովյան քաղաքի Հատիսի փողոցում գտնվող համայնքի սեփականություն հանդիսացող հասարակական կառուցապատման հողամասում ինքնակամ կառուցված սպասարկման օբյեկտը և օժանդակ շինությունը համայնքի սեփականություն համարելու, օրինականացնելու և հասցե տրամադրելու մասին» N 245 որոշման մեջ կատարել հետևյալ լրացումը և փոփոխությունը՝
1) որոշման վերնագրում «ՕՐԻՆԱԿԱՆԱՑՆԵԼՈՒ» բառից հետո լրացնել «, ՀՈՂԱՄԱՍԻ ԳՈՐԾԱՌՆԱԿԱՆ ՆՇԱՆԱԿՈՒԹՅՈՒՆԸ ՓՈՓՈԽՎԱԾ ՀԱՄԱՐԵԼՈՒ» բառերով.
2) որոշման 4-րդ կետը շարադրել նոր խմբագրությամբ՝
«4. Սույն որոշման 1-ին կետում նշված շինությունների պահպանման ու սպասարկման համար առանձնացված հողամասի գործառնական նշանակությունը համարել փոփոխված որպես հասարակական կառուցապատման հողամաս և տրամադրել հասցե` համայնք Աբովյան, քաղաք Աբովյան, Հանրակացարանային թաղամաս, թիվ 5/2»։
2. Սույն որոշումն ուժի մեջ է մտնում որոշման ընդունմանը հաջորդող օրվանից: