Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2022 թվականի դեկտեմբերի 28-ի N 192-Ն և N 193-Ն որոշումների և հիմք ընդունելով Հերմինե Պետրոսյանի դիմումը (մուտք՝ 2023 թվականի օգոստոսի 11-ի N Ք-5006), Աբովյան համայնքի ավագանին ո ր ո շ ու մ է.
1. Հերմինե Գագիկի Պետրոսյանին սեփականության իրավունքով պատկանող (հիմք՝ 2021 թվականի հուլիսի 09-ի N 09072021-07-0147 վկայական) Աբովյան համայնքի Մայակովսկի գյուղի 13-րդ փողոցի թիվ 77 հասցեում գտնվող 07-043-0053-0003 կադաստրային ծածկագրով բնակավայրերի նպատակային նշանակության բնակելի կառուցապատման 1006.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2023 թվականի հունիսի 29-ի N 29062023-07-0173 վկայական) Աբովյան համայնքի Մայակովսկի գյուղի 13-րդ փողոցի թիվ 77/2 հասցեում գտնվող 07-043-0053-0026 կադաստրային ծածկագրով 100.4 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը, կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-043-0053-0003 կադաստրային ծածկագրով հողամասի սեփականատեր Հերմինե Գագիկի Պետրոսյանին։
2. Հերմինե Պետրոսյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 289 905 (երկու հարյուր ութսունինը հազար ինը հարյուր հինգ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Հերմինե Պետրոսյանի կողմից։
4. Սույն որոշումն ուժի մեջ է մտնում Հերմինե Պետրոսյանին որոշման ընդունման մասին իրազեկելու օրվան հաջորդող օրվանից։