Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, 2007 թվականի օգոստոսի 09-ի N 1036-Ն որոշման, 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, Աբովյան համայնքի ավագանու 2023 թվականի դեկտեմբերի 22-ի N 199-Ն որոշման, հաշվի առնելով Գրիգոր Պողոսյանի դիմումը (մուտք՝ 2024 թվականի մայիսի 07-ի N Ք-3283).
1. Փոփոխել Գրիգոր Պողոսյանին և Արուսյակ Առաքելյանին պատկանող (հիմք՝ 2022 թվականի հուլիսի 04-ի N 04072022-07-0081 վկայական) Աբովյան համայնքի Աբովյան քաղաքի Ռոսիայի փողոցի թիվ 14/4/1 հասցեում գտնվող 130,0 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասի գործառնական նշանակությունը որպես հասարակական կառուցապատման հողամաս:
2. Գրիգոր Պողոսյանին և Արուսյակ Առաքելյանին պատկանող (հիմք՝ 2022 թվականի հուլիսի 04-ի N 04072022-07-0081 և նոյեմբերի 29-ի N 29112022-07-0117 վկայականներ) Աբովյան համայնքի Աբովյան քաղաքի Ռոսիայի փողոցի թիվ 14/4/1 և թիվ 15 հասցեներում գտնվող հողամասերին՝ «ԳԻՍ-ԱՐՏ» սահմանափակ պատասխանատվությաբ ընկերության կողմից 2024 թվականի մայիսի 03-ին կազմված միավորման սխեմայի (կցվում է) համաձայն` տրամադրել միասնական հասցե՝ համայնք Աբովյան, քաղաք Աբովյան, Օգոստոսի 23-ի փողոց, 2-րդ նրբանցք, 20։
3. Սույն որոշման 1-ին կետում նշված անձինք պարտավոր են.
1) Աբովյանի համայնքապետարանի 900105201652 հաշվեհամարին վճարել 18 000 (տասնութ հազար) դրամ` որպես հողամասի գործառնական նշանակության փոփոխության ծառայության վճար:
2) Աբովյանի համայնքապետարանի 900105201652 հաշվեհամարին վճարել 10 000 (տասը հազար) դրամ` հասցեի տրամադրման ծառայության վճար:
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։ |